Qeveria do ta mbështesë Qendrën për Aftësim Profesional sipas modelit gjerman - Bota Sot
Qeveria do ta mbështesë Qendrën për Aftësim Profesional sipas modelit gjerman

Aktuale

Qeveria do ta mbështesë Qendrën për Aftësim Profesional sipas modelit gjerman

Më: 15 korrik 2019 Në ora: 15:12
Pamje nga takimi

Kryeministri i Kosovës, Ramush Haradinaj, ka pritur sot në takim përfaqësues të sektorit të përpunimit të metalit dhe drurit, për t’i dëgjuar nga afër kërkesat e tyre, në mënyrë më specifike çështjen e inicimit të një marrëveshjeje bilaterale për transfer të fuqisë punëtore me Gjermaninë.

Përfaqësuesit e sektorit të përpunimit të metalit dhe drurit e kanë njoftuar kryeministrin Haradinaj për veprimtarinë e tyre dhe angazhimet që ka ky sektor, duke thënë se shumë kompani përpunuese të metalit në Kosovë eksportojnë në Gjermani, bazuar në marrëveshjet B2B që i kanë me kompanitë gjermane.

“Bizneset shqiptare momentalisht kanë të hapura edhe përfaqësi në Gjermani, por kanë probleme me fuqinë punëtore që nuk mund ta transferojnë atje. Përfitimet janë të shumëfishta të kompanive kosovare, por edhe të Qeverisë së Kosovës nëse do të mund të lidhet kjo marrëveshje”, i thanë kryeministrit Haradinaj përfaqësuesit e sektorit të përpunimit të metalit dhe drurit  në këtë takim.

Kryeministri Haradinaj u zotua se do të angazhohet që shqetësimet e tyre të marrin vëmendjen e merituar dhe se Qeveria do ta mbështesë Qendrën për Aftësim Profesional sipas modelit gjerman të mësimit dual.

Shfaq komentet
comments powered by Disqus
Sot mund të lexoni Shfletoni kopertinat
Sondazh Pas votimit të projektligjeve për shndërrimin e FSK-së në ushtri, a mund të ketë inskenime nga Serbia për një luftë të re në Ballkan?
Loading...