Kandidati i VV’së për deputet Hekuran Murati, përmes një reagimi në Facebook ka reaguar ndaj deklaratës së kandidatit për kryeministër Ramush Haradinajt, i cili premtoi se koalicioni AAK-PSD do të rritë pagat në vend çdo vit, nëse e merr pushtetin pas zgjedhjeve të parakohshme të 6 tetorit.
“Synojmë çdo vit rritjen e pagave për 10 për qind”, kishte deklaroi Haradinaj.
Ndërsa Murati tha se ligji e përcakton qartë se sa mund të rritet paga për një vit të caktuar.
“Ligji për Menaxhimin e Financave Publike dhe Përgjegjësitë e përcakton qartë se sa mund të rriten pagat në një vit të caktuar”, ka shkrur Murati.
Murati po e akuzon Haradinajn se po gënjen dhe në fund thotë se leximi nuk i bën dëm askujt.
“Ende pa filluar fushata, filluan rrenat!”, shkroi Murati.
“Leximi kurrë nuk i ka bërë dëm askujt”, përfundoi Murati.