Kandidati i PDK-së për Kryeministër të Kosovës, Kadri Veseli, ka zhvilluar sonte tubim elektoral me simpatizantë të subjektit të tij në fshatin Burojë të Skenderajt.
Duke qenë se Buroja është vendlindja e ish-udhëheqësit të PDK-së, Hashim Thaçit tani President i Kosovës, Kadri Veseli nuk la pa e takuar edhe Haxhiun, babain e të parit të shtetit.
Këtë vizitë të tij në këtë zonë të Skenderajt, bastionit të PDK-së, kandidati për kryeministër i këtij subjekti e bëri të ditur përmes llogarisë së tij në facebook.
”Në Burojën mikpritëse, me miqtë e mi të përzemërt, ku ndjehem si në shtëpinë time. Sa herë që e takoj bacin Haxhi, marr gjithmonë nga ai shumë urtësi e mirësi. #PDK112”.
