Lëvizja Vetëvendosje e quan të pavërtetë deklaratën e Fatmir Limajt, i cili sot tha se Albin Kurti e ka takuar Hashim Thaçin.
Kreu i Nismës Socialdemokrate, Fatmir Limaj sot deklaroi se ka informata se ka ndodhur një takim mes kandidatit për kryeministër të LVV-së, Albin Kurtit dhe presidentit Hashim Thaçit.
“Kam informata që është zhvilluar një takim mes Hashim Thaçit e Albin Kurtit”, ka thënë Limaj në RTV Dukagjini.
Zyra për media e Lëvizjes Vetëvendosje në një përgjigje thonë se diçka e tillë nuk është e vërtetë.
“Kjo deklaratë është tërësisht e pavërtetë”, thuhet në përgjigjën e VV-së.
Së fundmi kanë nisur përplasjet dhe akuzat mes Nismës dhe VV-së për shkak të numërimeve e rinumërimeve të votave nga zgjedhjet e 5 tetorit.
VV-ja që ka dalë e para në zgjedhje ndërsa ka humbur dy mandate me kalimin e pragut nga Nisma.