Analisti politik, Faton Mehmeti, përmes një shkrimi në Facebook, ka bërë një reagim ndaj liderit të Lëvizjes Vetëvendosje, Albin Kurti.
Ai në një shkrim thotë se për të parin e Vetëvendosjes më e rëndësishme po del te jetë karrigia.
Madje, analisti thotë se me këto veprime, Kurti po ia dorëzon Kosovën Hashim Thaçit.
“Eh more Albin, për tjerët e kemi ditur, por edhe për ty me rëndësi qenka karrigia se Kosova...po ia dorëzon Kosovën Hashimit, kjo nuk ka me t'u fal asnjëherë...tashme je kartë e djegur”, shkruan ai.
Ky reagim i Mehmetit vije pasi edhe në takimin e sotëm VV-ja ka hyrë duke thënë se nuk e jep pozitën e kryeparlamentarit të cilën e mban Glauk Konjufca.
Ndërkaq nënkryetari i LDK-së, Agim Veliu pak para takimit ka thënë se partia e tij e do pozitën e kreut të Kuvendit.
Dy palët kanë shfrytëzuar dalje tjera të Kuvendit të Kosovës, derisa gazetarët kanë qenë duke qëndruar në hollin e këtij institucioni.
Kujtojmë se një takim i radhës do të ndodhë nesër, në të cilin do të marrin pjesë edhe përfaqësuesit e QUINT-it (Shteteve të Bashkuara të Amerikës, Gjermanisë, Britanisë së Madhe, Francës dhe Italisë) dhe të Zyrës së Bashkimit Evropian në Kosovë.
