Ish-mjeku i UÇK-së, Liri Loshi, përmes një postimi në facebok ka shkruar në lidhje me votuesit e diasporës dhe qytetarët e vendit.
Loshit thotë që Mustafa ka menduar që edhe pa votën e disaporës mund të fitoj e tash edhe të qytetarëve të vendit, transmeton “Bota sot”.
Sipas Loshit, Mustafa po harron që demokraci është vota e qytetarëve dhe se ajo të ngarkon me pushtet dhe përgjegjësi, duke cekur që Mustafa ka besim tashmë vetëm në Hotin pasi është i vetmi i cili perulet deri në puthje këpucësh të zotërisë së tij.
Postimi i plotë
Në fillim Isa kishte problem vetëm me votuesit e diasporës. Pa ta mendonte se LDK-ja do t’i fitonte zgjedhjet. Prandaj ai donte që diaspora të mos kishte të drejtën e votës. Isa Mustafa nuk tregoi se a e kishte pyetur veten pse LDK-ja e kishte humbur diasporën, atë që dikur e kishte pasur të tërën pas vetes!
Tash Isa ka problem me qytetarët e Kosovës, përkatësisht me votuesit e LDK-së. Ai dëshiron të mohojë çfarëdo roli të tyre në përcaktimin e emrit për kryeministrin nga radhët e LDK-së. Isa po harron se në demokraci është vota e qytetarëve ajo që të ngarkon me pushtet dhe përgjegjësi. Isa po harron se qytetarët fyhen kur ti nuk e përfillë verdiktin e tyre dhe më nuk duan të të shohin me sy e lere më që të të votojnë.
Të gjithë e dinë se Avdullah Hoti nuk është i denjë për ta udhëhequr qeverinë, meqë ai është një emër që Isa për herë të dytë e nxjerr nga xhepi i tij. Isa nuk ka besim në askend tjetër në LDK pos në Avdullah Hotin, sepse nga të gjithë servilët tjerë Avdullahu është i vetmi që perulet deri në puthje këpucësh të zotërisë së tij. Isa nuk shkelë në dërrasë të kalbur. Sepse, atëherë as krruta nuk do t’i bënte punë.