Deputetja e Kuvendit të Kosovës nga radhët e LDK-së Valentina Bunjaku – Rexhepi përmes një postimi në Facebook ka treguar se së bashku me Lutfi Hazirin kanë nisur pjesën e parë të projektit jetik të rrugës katër korsi Gjilan-Prishtinë, e cila financohet nga Banka Evropiane për Rindërtim dhe Zhvillim, nën garantimin e Qeverisë së Kosovës, në gjatësi prej 3 kilometra dhe me kosto prej 3.9 milionë euro.
Postimi i plotë:
Në Komunën e Gjilanit, në krye me kryetarin z.Lutfi Haziri, ka nisur sot pjesa e parë e projektit jetik të rrugës katër korsi Gjilan-Prishtinë, i cili financohet nga Banka Evropiane për Rindërtim dhe Zhvillim, nën garantimin e Qeverisë së Kosovës, në gjatësi prej 3 kilometra dhe me kosto prej 3.9 milionë euro.
Kryetari Haziri ka theksuar se ky projekt është i rëndësisë së veçantë sepse këtë aks rrugorë e shfrytëzojnë rreth 70 përqind e qytetarëve të Gjilanit dhe regjionit.
