Në kohën kur ish-pjesëtarët e UÇK-së gjenden në Hagë, për të dalë para drejtësisë së Gjykatës Speciale, ish zv/kryeministri i Kosovës, Haki Abazi ka gjetur kohë që të flasë për kuptimin e ‘Liria ka Emër’.
Abazi ka pyetur nëse ‘Liria ka Emër’ do të thotë distancim nga UÇK, apo 2 milionë euro të Thesarit, konsull në Pragë, apo lodhje prej të pagjeturve.
Abazi përfshiu disa nga zhvillimet e fundit në vend, teksa niset me atë se si e ka emrin liria, derisa duhet përkujtuar që ‘Liria ka Emër’ është sllogani i përdorur së fundi nga shumë prej qytetarëve të Kosovës të cilët padyshim dolën në mbrojtje të ish-çlirimtarëve të vendit.
Postimi i plotë i Abazit, pa ndërhyrje:
Si e ka Liria emrin?
Distancim nga UÇK?
2 Milion Euro të Thesarit?
Kryeministri Koti qeveri ilegale e Prapashticës?
Konzull në Pragë?
Ndarje e Kosovës?
Ministër në detyrë në Shqipëri?
Lajm i rrejshëm e propagandë?
Lodhje prej të pagjeturve?
Shuarje të taskforces antikorrupcion?
Media roze që financohen nga buxhetet e ndërmarrjeve publike?
Ministri që financojnë ndarjen e Kosovës?
Ambasadorë që sfidojnë shtetin e tyre?
Gurthyes vullkanik?
Terminal doganor?
Universitet për shpërndarje të diplomave e pastrim parash?
Kifle&kunja, kubza betoni dhe ndertesa pa plan?
Përvetësim hektar tokash me 1 euro?
Prerje e drunjëve dhe shkatrrim të mjedisit?
Qymyr?
Çakorr?
….
