Haradinaj – Kurtit: Ndalu se don me e marrë në qafë këtë vend - ku ia ke qitë hesapin!

Aktuale

Haradinaj – Kurtit: Ndalu se don me e marrë në qafë këtë vend - ku ia ke qitë hesapin!

Më: 6 dhjetor 2022 Në ora: 16:55
Kryetari i AAK-së, Ramush Haradinaj dhe Albin Kurti

Kryetari i AAK-së, Ramush Haradinaj ka thënë se kryeministri Albin Kurti po e nxjerrë Kosovën “humbëse” me veprimet e fundit.

Sipas Haradinajt, Kurti po tërhiqet dhe po provon zgjedhje fiktive në veri.

“Çka po të ngutet o Albin Kurti me krejt planet, punët e veprimet që po i bën, qoftë duke provuar zgjedhje fiktive në veri, qoftë duke emëruar ministra me urgjencë, qoftë duke kundërshtuar tabela… e gjithmonë duke u tërhequr si dje e si sot e duke e nxjerrë Kosovën humbëse!”, ka shkruar Haradinaj.

“Ku ia ke qitë hesapin, a po don me çdo kusht me e rreziku veriun, apo je i padijshëm e s’po ka kush me të mësu! Ndalu se don me e marrë në qafë këtë vend e këtë popull!”, ka shtuar kreu i AAK-së.

Të nderuar lexues të gazetës “Bota sot”, komentet që përmbajnë fyerje, ofendime dhe sharje nuk lejohen në portal. Andaj, komentet e juaja do të kalojnë në filtra për aprovim dhe të tillat që përmbajnë gjuhë që nuk përkon me rregullat, nuk do të aprovohen. Ju faleminderit.
Sot mund të lexoni Shfletoni kopertinat