Deputeti nga radhët e Lidhjes Demokratike të Kosovës, Avdullah Hoti, ka komentuar vendimin e Qeverisë për ndarjen e parave për borxhin e KOSTT-it.
Sipas Hotit, ata vite me radhë shanin për të njëjtën gjë, ndërsa tani ua paguajnë edhe rrymën atyre që vendosën barrikadat.
“Qeveria sot ka ndarë 17.5 mil euro për borxhin e KOSTT-it ndaj Rrjetit Evropian për furnizimin e komunave në veri. Vite me radhë shanin për të njëjtën gjë. Për dijeni, këto mjete janë të projekteve kapitale që nuk janë realizuar.
Zgjedhjet në veri i shtynë për prill, vendimin për tabela e shtynë pa afat, të arrestuarin për terrorizëm e liruan.
Tani, para se të nisin festën e vitit të ri, ua paguajnë edhe rrymën atyre që vendosën barrikadat”, ka shkruar Hoti.
Ai ka shtuar se “Kjo është qeverisje se jo mahi!”.
