Drejtoresha e televizionit 21, Afërdita Saraqini, i ka dhënë lamtumirën gazetarit shumëvjeçar të sportit, Agim Binaku, që vdiq sot në moshën 62 vjeçare. Gazetari i sportit, Agim Binaku, ka vdekur pas një sëmundjeje të shkurtër në moshën 62-vjeçare. Vdekja e tij ka pikëlluar miq e bashkëpunëtorë.
“Lamtumirë miku im! U prehsh ne paqe!”, ka shkruar Saraqini, drejtoreshë e televizionit, pjesë e të cilit ishte Binaku
Agim Binaku ishte zëvendësdrejtor i programit informativ të RTV 21 dhe redaktor përgjegjës i redaksisë së sportit të RTV 21, pjesë e të cilit ishte qysh nga fillimet e tij tash e gati dy dekada.
Agim Binaku mbi të gjitha ishte emër nga më të shquarit të gazetarisë sportive, jo vetëm në Kosovë dhe në hapësirën mbarëshqiptare, por edhe më gjerë. Realizoi mijëra emisione, transmetime të drejtpërdrejta, dokumentarë, reportazhe, intervista me emra të mëdhenj të sportit kosovar, por edhe atij botëror.
