Ministrja e Austrisë për Evropë, Integrim dhe Çështje të Jashtme, Karin Kneissl gjatë qëndrimit në Kosovë ka uruar vendin për shndërrimin e FSK-së në ushtri dhe pse një gjë e tillë, ende nuk është bërë.
Diplomatja austriake shumë shpejt ka hetuar gabimin e saj, duke kërkuar falje.
Kneissl: Më falni, kjo ende nuk qenka bërë
“Unë mund t’ju uroj dhe për shndërrimin e FSK-së në ushtri. Më falni kjo ende nuk qenka bërë. Kërkoj ndjesë, ka qenë gabim i imi. Ndoshta unë fillova të flas më shumë se që është bërë. Mirëpo dhe në atë aspekt e di që janë bërë arritje të ndryshme. Por unë fola pak para kohe ndoshta. Procesi i cili është shumë i ndjeshëm e di. Por iu uroj për të gjitha ato që keni arrit në këtë drejtim. E kam të qartë që është një temë shumë e ndjeshme politike, që duhet të bëhet me fqinjët tuaj dhe partnerët ndërkombëtar”, tha ajo.
