Prokuroria ka intervistuar Xhavit Halitin - Bota Sot
Prokuroria ka intervistuar Xhavit Halitin

Aktuale

Prokuroria ka intervistuar Xhavit Halitin

Më: 14 qershor 2018 Në ora: 15:31
Rrahja Haliti - Gashi

Debati i ashpër që u zhvillua ditë më parë në Kuvendin e Kosovës, bëri që nënkryetari i Kuvendit, Xhavit Haliti, të konfrontohet fizikisht me deputetin e Lidhjes Demokratike të Kosovës, Arben Gashin, duke e shtyrë këtë të fundit.

Për rastin në fjalë, Prokuroria Themelore e Prishtinës tashmë ka intervistuar nënkryetarin Xhavit Haliti, derisa pritet edhe intervistimi i personit të tretë të përfshirë në zënkë, Gani Dreshajn.

Këtë e ka konfirmuar kryeprokurori i Prokurorisë Themelore në Prishtinë, Imer Beka.

“Pardje është intervistuar Xhavit Haliti për veprën ‘sulm’, derisa sot pasdite pritet të intervistohet edhe deputeti i AAK-së, Gani Dreshaj për veprën ‘kanosje’”, ka thënë Beka.

Ndërkaq, në fund të muajit të kaluar, Prokuroria Themelore në Prishtinë ka intervistuar deputetin e Kuvendit të Kosovës, Arben Gashi.

Haliti dhe Gashi patën një debat të ashpër në Kuvend, i cili përfundoi edhe me përleshje fizike, javë më parë. 

Derisa ky i fundit kërkonte fjalën për t’iu kundërpërgjigjur akuzave të deputetit Milaim Zeka për LDK-në dhe Ibrahim Rugovën, kryesuesi Xhavit Haliti, nuk ia ka dhënë fjalën duke i thënë se askush nuk ia ka përmendur emrin.

Deputeti Gashi reagoi duke i thënë Halitit “Balosh ama fjalën”, ”mashtrues”, por dëgjohet edhe teksa i thotë “le të shkon në rrotë të samës”.

Atij iu ka kundërpërgjigjur kryesuesi Haliti, duke i thënë “qen bir qeni” dhe fjalë të tjera.

Shfaq komentet
comments powered by Disqus
Sot mund të lexoni Shfletoni kopertinat
Sondazh
test