Avni Arifi, këshilltari kryesor i kryeministrit Ramush Haradinaj dhe shefi i ekipit negociator në dialogun teknik mes Kosovës dhe Serbisë, përsëri ka reaguar ndaj Federica Mogherinit, ndërmjetësuese e Bashkimit Evropian në dialogun Kosovë-Serbi.
Arifi thotë se do të dëshironte që Mogherini dhe ekipi i saj të mobilizohen për të implementuar marrëveshjen për energji me Serbinë ashtu siç janë mobilizuar për heqjen e taksës 100%.
Ai thotë se është befasues dinamika e tyre për të mbrojtur interesat serbe.
“Do të dëshiroja që Mogherini dhe ekipi i saj të ishin të mobilizuar për implementimin e marrêveshjes për energji ashtu siç janë mobilizuar për hjekjen e taksës 100%. Befasuese të shohësh t?rë këtë dinamikë, tërë këtë emocion në mbrojtje të interesave serbe. Fatkeqësishtë, kjo qasje e njëanshme solli te dështimi i plotë i dialogut”, shkruan Avni Arifi në Facebook, transmeton gazeta “Bota sot”.
