Haradinaj: Nuk ka mik më të mirë sesa FSK-ja dhe nuk ka armik më të keq sesa FSK-ja - Bota Sot
Haradinaj: Nuk ka mik më të mirë sesa FSK-ja dhe nuk ka armik më të keq sesa FSK-ja

Aktuale

Haradinaj: Nuk ka mik më të mirë sesa FSK-ja dhe nuk ka armik më të keq sesa FSK-ja

Më: 14 dhjetor 2018 Në ora: 17:42
Ramush Haradinaj

Në ceremoninë e parakalimit të parë të Ushtrisë së Kosovës ka folur edhe kryeministri i vendit Ramush Haradinaj.

Ai pasi ka përshëndetur të pranishmit ka thënë se: “Rreshti është fjala e parë që mësohet në ushtri, e neve na është mohuar rreshti, tash e sa kohë”.

Haradinaj tha se Ushtria e Kosovës është ushtri e paqes.  Po ashtu, ai tha se  sot janë gëzuar ushtaret e Ibrahim Rugovës dhe ushtaret e Adem Jasharit.                                                                                          

“Ne sot po hyjmë në paqe, ushtria e fundit u rreshtua si ushtri e paqes. Të fundit kemi hyrë në paqe, të fundit do ta lëshojmë paqen”, ka thënë Haradinaj

Ai gjithashtu ka thënë duke iu referuar një thënie të Gjeneralit Mattis se: “Nuk ka mik më të mirë se FSK, por nuk ka armik më të keq sesa FSK”.

Haradinaj është shprehur se “Ushtria e Kosovës është ushtri e paqes. Serbët në jug dhe në veri dhe në jug, janë të këtij vendi dhe kjo ushtri është edhe ushtria e tyre”.

Ai tha se Kosova ka ardhur tek rreshti për të ndihmuar paqen dhe jo për ta rrezikuar atë.

Shfaq komentet
comments powered by Disqus
Sot mund të lexoni Shfletoni kopertinat
Sondazh Pas votimit të projektligjeve për shndërrimin e FSK-së në ushtri, a mund të ketë inskenime nga Serbia për një luftë të re në Ballkan?
Loading...