Haradinaj: Me votimin e rezolutës Kuvendi merr primatin në dialog - Bota Sot
Haradinaj: Me votimin e rezolutës Kuvendi merr primatin në dialog

Aktuale

Haradinaj: Me votimin e rezolutës Kuvendi merr primatin në dialog

Më: 15 dhjetor 2018 Në ora: 16:18
Ramush Haradinaj

Në prag të mbajtjes së seancës së jashtëzakonshme për miratimin e rezolutës së PSD-së për dialogun me Serbinë, kryeministri i vendit, Ramush Haradinaj ka thënë se ka dakordim mes grupeve parlamentare, mirëpo, siç thotë ai, duhet të pritur se a do të mundet koalicioni qeverisës të kryej gjatë ditës së sotme këtë votim.

Haradinaj, theksoi rolin që ka kjo rezolutë.

Sipas tij, duhet të vepruar sa më shpejtë, pasi Serbia po krijon avantazhe, duke e shfrytëzuar vendimet e Kosovës për t’u arsyetuar se ne nuk po investojmë në dialog.

Haradinaj: Duhet të veprojmë, jo  të presim pa kufij

“Mirë është të veprojmë, jo të presim pa kufij. Serbia po krijon avantazhe në raport me ne. Serbia e paraqet pozitën tonë si të pa interesuar. E shfrytëzon vendimet tona si atë të ushtrisë dhe taksës për me thënë se Kosova nuk po investon për dialogun, por vetëm për t’u larguar nga dialogu... ekziston mundësia në të ardhmen që me pas përkrahjen e LDK-së dhe VV-së”, ka thënë i pari i qeveris Haradinaj.

Haradinaj foli dhe për rolin e presidentit Thaçi, ku tha, se, detyrat e tij, në dialog janë kushtetuese, mirëpo, tashmë me votimin e kësaj rezolute parlamenti  ka primatin.

Ndërsa, për refuzimin me qenë pjesëmarrës në këtë seancë partitë opozitare, Haradinaj theksoi se dialogu ka me qenë më transparent, sipas tij, do të informojnë gjitha partitë tjera për proceset që do të ndodhin.

Haradinaj: Do të jemi më transparent para parlamentit

“Funksionet e presidentit janë kushtetuese, ato nuk ndryshojnë megjithatë parlamenti mandaton një delegacion që është zhvillim i mirë.... duhet të ketë marrëveshje për të gjitha, psh ne nuk kemi marrëveshje të bërë gati për tregti të lirë, për atë arsye tani e kemi vendosur taksën, kur të largohet taksa në ditën e njohjes duhet të nënshkruajmë një marrëveshje për tregti të lirë”, ka thënë ai.

Shfaq komentet
comments powered by Disqus
Sot mund të lexoni Shfletoni kopertinat
Sondazh Pas votimit të projektligjeve për shndërrimin e FSK-së në ushtri, a mund të ketë inskenime nga Serbia për një luftë të re në Ballkan?
Loading...