“Kam ardhur të vras presidentin”/ Arrestohet 27-vjeçari që kërcënoi Bidenin

Amerika

“Kam ardhur të vras presidentin”/ Arrestohet 27-vjeçari që kërcënoi Bidenin

Më: 12 shkurt 2021 Në ora: 23:27
Joe Biden

Autoritetet federale ngritën zyrtarisht padi ndaj një personi nga Karolina e Veriut i cili kishte kërcënuar presidentin Joe Biden.

Kyle Reeves, rezident 27 vjeçar i Gastonia doli përpara një gjykate federale në Charlotte pas arrestimit të tij të premten. Prokurorët thanë se Reeves e kishte kontaktuar shumë herë centralin e Shtëpisë së Bardhë dhe kishte lëshuar kërcënime për Bidenin e të tjerë.

Telefonatat u kryen në periudhën 28 janar deri në 1 shkurt. Reeves thuhet t`i ketë përsëritur kërcënimet edhe në telefonatat e kryera me një agjent sekret i cili e kishte kontaktuar për të folur mbi deklaratat që ai lëshonte. 27 vjeçari kishte lënë mesazhe të ngjashme edhe në sekretarinë telefonike të policisë së Kapitolit.

“Do të vras presidentin, do të vras punonjësit e shërbimit sekret” citohet të ketë thënë i riu, që nëse dënohet, rrezikon të përballet me një dënim që shkon deri në pesë vjet heqje lirie dhe një gjobë prej $250,000 dollarë.

Shfaq komentet
comments powered by Disqus
Sot mund të lexoni Shfletoni kopertinat