6 të vdekur e 65 të plagosur në aksidentin zinxhir të 130 automjeteve në autostradën e Texas

Amerika

6 të vdekur e 65 të plagosur në aksidentin zinxhir të 130 automjeteve në autostradën e Texas

Më: 13 shkurt 2021 Në ora: 08:43
Pamje nga aksidenti

Ka arritur në gjashtë numri i konfirmuar i viktimave të aksidentit masiv të djeshëm në autostradën e Texas në SHBA, ndërsa 65 njerëz u plagosën në event.

Tragjedia ndodhi në autostradën Interstate 35 pranë Fort Worth ku kamerat e sigurisë tregonin se një kamion i linjave FedEx ishte përplasur në barrierat mbrojtëse pasi humbi kontrollin në rrugën e akullt, pa mundur të frenojë në dishezë.

Disa dhjetra automjete prapa tij rrjedhimisht u përplasën njëra pas tjetrës teksa rrjedha e përplasjeve ishte zgjatur në 1.5 milje.

Grupet e emergjencës që erdhën në skenë përshkruanin ngjarjen si ‘aksident masiv’ me makina të përplasura njëra mbi tjetrën, dhe shoferë të bllokuar brenda tyre.

Fillimisht numri i viktimave raportohej në pesë, por viktima e gjashtë u konfirmua mbrëmjen e të enjtes.

Hetuesit konfirmuan se 36 nga 65 të plagosurit ishin shtruar në spital me anë të ambulancave.

Hetimet mbi shkaqet e aksidentit po vijojnë me pikëpyetje mbi përgatitjen e përshtatshme të rrugëve për kushtet e laëgshta e të rëshkitshme të parashikuara.

Stuhia dimërore Shirley, po shkakton trazira në SHBA me temperatura të ulëta dhe ngrirje të rrugëve.

Mediat thonin se pjesa e rrugës ku ndodhi aksidenti ishte tërësisht e ngrirë kur erdhën policia dhe zjarrfikësat.

Shfaq komentet
comments powered by Disqus
Sot mund të lexoni Shfletoni kopertinat