Rreth 66 mijë e 570 njerëz në Brazil vdiqën nga COVID-19 në muajin mars, më shumë se dyfishi i rekordit të mëparshëm mujor, tregojnë shifrat.
Shërbimi shëndetësor i vendit është shtyrë në prag ndërsa rastet e virusit vazhdojnë të rriten.
Presidenti Jair Bolsonaro është përballur me kritika të forta për trajtimin e krizës dhe u godit nga dorëheqjet e profilit të lartë këtë javë.
Por të mërkurën ai përsëri doli kundër masave të bllokimit të vendosura nga guvernatorët lokalë dhe kryetarët e bashkive.
“Ne kishim dhe kemi dy armiq – virusin dhe papunësinë! Është një realitet! Ne nuk do ta zgjidhim këtë problem duke qëndruar në shtëpi”, tha ai.
E mërkura gjithashtu shënoi 3 mijë e 800 vdekje të reja dhe mbi 90,000 raste të reja me koronavirus. Vdekjet e përditshme të Brazilit aktualisht përbëjnë rreth një të katërtën e të gjitha viktimave të koronavirusit në botë, shkruan BBC.
