Më shumë se 50,000 njerëz kanë nënshkruar një peticion në internet duke kërkuar që Zonja e Parë e SHBA, Jill Biden të rivendosë Kopshtin e Trëndafilave në Shtëpinë e Bardhë.
Ish-Zonja e Parë Melania Trump kishte vetëm disa pemë dhe lule shumëngjyrëshe të cilat vitin e kaluar u hoqën. Presidentët shpesh e përdorin kopshtin për konferencat për shtyp.
Sipas peticionit, ndryshimet në këtë kopësht kanë shkaktuar zemërimin e njerëzve. Organizatorët e peticionit vazhdojnë të kërkojnë nga znj. Biden dhe Doug Emhoff, i cili është i martuar me Zëvendës-Presidenten Kamala Harris, që t’i rikthejnë lavdinë e dikurshme Kopshtit të Trëndafilave ashtu sikur ishte gjatë kohës së Zonjës së Parë Jackie Kennedy.
Melania Trump u kritikua për ndryshimet që bëri gjatë pandemisë. Në mediat sociale njerëzit e akuzuan atë se po shpenzonte para ndërkohë që mund të ndihmonte njerzit që ishin duke vuajtur nga Covid-19.
