Të shtëna me armë në Uashington

Amerika

Të shtëna me armë në Uashington

Më: 23 korrik 2021 Në ora: 08:12
Foto nga vendi i ngjarjes

Një person i armatosur ka hapur zjarr jashtë një restoranti në një zonë të pasur të Uashington DC, rreth një milje (1.5 km) nga Shtëpia e Bardhë.

Sipas mediave të huaja, ata që po ushqeheshin në tryezat e jashtme vrapuan për tu “mbuluar” ndërsa u dëgjuan më shumë se 20 të shtëna.

Dëshmitarët thanë se personi i armatosur u largua me makinë pasi qëlloi drejt një restoranti meksikan në zonën e Logan Circle.

Si pasojë, dy persona u qëlluan dhe policia lokale beson se njëri prej tyre ishte shënjestra e synuar e sulmit.

Ndërsa normat e krimeve më të dhunshme janë ulur, sulmet me armë janë në rritje – jo vetëm në Uashington DC, por në shumë qytete amerikane, shkruan BBC.

Sipas statistikave të krimeve në Washington DC, shkalla e sulmeve të kryera me armë është rritur çdo vit që nga viti 2018. Deri më tani, 471 sulme me armë janë raportuar në vitin 2021. Deri në këtë kohë, vitin e kaluar kishte pasur 434 të tilla.

Sidoqoftë, shumica e dhunës me armë në Uashington është përqendruar në pjesët më të varfëra të qytetit, në rrethet Juglindore dhe Veri Lindore.

Shfaq komentet
comments powered by Disqus
Sot mund të lexoni Shfletoni kopertinat