Ish-presidenti Trump nis “fushatën” elektorale për 2024 /Shpall edhe sloganin

Amerika

Ish-presidenti Trump nis “fushatën” elektorale për 2024 /Shpall edhe sloganin

Më: 11 tetor 2021 Në ora: 07:09
Donald Trump

Ish-Presidenti Donald Trump vizitoi Iowa të shtunën për një tubim të stilit të fushatës. Duke folur para një auditori mijëra të pranishëm, ish-presidenti dha ndoshta sinjalin e tij më të qartë se ai synon të kandidojë në 2024.

Pavarësisht se ende nuk e ka shpallur zyrtarisht kandidaturën e tij, Trump ngacmoi me sloganin e mundshme politik të fushatës së ardhshme.

“Ta bëjmë Amerikën e Madhe përsëri, e përsëri, sepse në tashmë e kemi bërë njëherë”, tha ai.

Deklarata i referohet sloganit të fushatës së ish-presidentit në 2016, "Make America Great Again", e cila shpesh shihet në kapelet e kuqe ikonike të mbështetësve të tij.

Slogani i ri, tha ai, është i ndryshëm nga slogani i tij i vitit 2020, "Keep America Great", sepse tha se sot "Amerika nuk është më e madhe".

Ndërsa Trump ka aluduar shumë për një kandidaturë presidenciale të vitit 2024, ai ende nuk ka deklaruar zyrtarisht kandidaturën e tij.

Ka pasur reagime se një pjesë e mediave i bënë një mbulim të tubimit të Iowa-s si "fushatë 2024" pavarësisht se ish-Presidenti nuk njoftoi garën e tij.

Të nderuar lexues të gazetës “Bota sot”, komentet që përmbajnë fyerje, ofendime dhe sharje nuk lejohen në portal. Andaj, komentet e juaja do të kalojnë në filtra për aprovim dhe të tillat që përmbajnë gjuhë që nuk përkon me rregullat, nuk do të aprovohen. Ju faleminderit.
Sot mund të lexoni Shfletoni kopertinat