Ligjvënësi amerikan Jeff Fortenberry akuzohet se ka gënjyer FBI-në

Amerika

Ligjvënësi amerikan Jeff Fortenberry akuzohet se ka gënjyer FBI-në

Më: 20 tetor 2021 Në ora: 06:22
Jeff Fortenberry

Një juri e madhe federale ka paditur republikanin amerikan Jeff Fortenberry nga Nebraska, duke e akuzuar atë se ka gënjyer FBI -në dhe është përpjekur të fshehë informacione nga agjentët federalë që po hetonin kontributet për fushatën e tij të dëguara nga një miliarder nigerian.

Zyra e prokurorit amerikan njoftoi se juria e madhe federale në Los Anxhelos kishte paditur republikanin me nëntë mandate me një akuzë për mashtrim dhe fshehje të fakteve materiale dhe dy akuza për dhënie deklaratave të rreme hetuesve federalë.

Ligjvënësi nuk pranoi fajësinë dhe u zotua se do të luftonte akuzat.

Zoti Fortenberry tha në një video të publikuar YouTube të hënën mbrëma se ai ishte "i tronditur" dhe "i habitur" nga akuzat./VOA

Të nderuar lexues të gazetës “Bota sot”, komentet që përmbajnë fyerje, ofendime dhe sharje nuk lejohen në portal. Andaj, komentet e juaja do të kalojnë në filtra për aprovim dhe të tillat që përmbajnë gjuhë që nuk përkon me rregullat, nuk do të aprovohen. Ju faleminderit.
Sot mund të lexoni Shfletoni kopertinat