Presidenti i SHBA-së Joe Biden njoftoi sot se ka nominuar kreun aktual të Rezervës Federale (FED), Jerome Powell, për një mandat të dytë në krye të bankës qendrore.
Vendimi i Biden u dha fund spekulimeve javësh në bursë se guvernatori i FED-it, Lael Brainard mund të nominohej për këtë post për shkak të presionit nga progresistët midis demokratëve, raporton CNBC.
Në vend të kësaj, Brainard është nominuar për nënkryetare të bordit të guvernatorëve dhe ajo pritet gjerësisht të marrë një pozicion të veçantë si nënkryetare e organit mbikëqyrës që mbikëqyr sistemin bankar kombëtar. Si zëvendës presidente e politikës monetare, ajo do të pasonte Richard Clarida, mandati i të cilit skadon më 31 janar 2022.
Emërimi i Powell tani pret miratimin nga ana e Senatit amerikan.
