Zjarri i armëve të bandave kthen Chicago në një ‘zonë lufte’

Amerika

Zjarri i armëve të bandave kthen Chicago në një ‘zonë lufte’

Më: 29 nëntor 2021 Në ora: 17:27
Foto

Pamje të rënda janë shpërndarë dje në rrjetet sociale, të zjarrit të armëve automatike në një zonë të pasur të qytetit Chicago ne SHBA, në të cilat dy persona mbetën të plagosur në fytyrë e në këmbë.

Policia e Chicago tha se shkëmbimi i zjarrit ndodhi mesnatën e djeshme në zonën River North ku dy të rinj të paemëruar 25 e 22 vjeç, u qëlluan brenda makinës së tyre nga dy të dyshuar.

Një numër i konsiderueshëm pamjesh të incidentit tregonin pasojat ndersa komentuesit dëshmonin se vendi qe kthyer në një “zonë lufte”.

Në një prej tyre shiheshin dy automjete që kalonin me zhurmën e të shtënave në sfond. Pak pas të shtënave, një automjet i përmbysur shihej në anë të rrugës i dëmtuar rëndë.

Në një tjetër video shihej një burrë i paarmatosur që vraponte në mes të rrugës, teksa të shtënat dëgjoheshin në sfond.

Dy të plagosurit raportohet se kishin shkuar vetë në spital dhe ishin në gjendje të stabilizuar.

Të nderuar lexues të gazetës “Bota sot”, komentet që përmbajnë fyerje, ofendime dhe sharje nuk lejohen në portal. Andaj, komentet e juaja do të kalojnë në filtra për aprovim dhe të tillat që përmbajnë gjuhë që nuk përkon me rregullat, nuk do të aprovohen. Ju faleminderit.
Sot mund të lexoni Shfletoni kopertinat