Shmanget katastrofa nga zjarri në fabrikën e kimikateve në Nju Xhersi

Amerika

Shmanget katastrofa nga zjarri në fabrikën e kimikateve në Nju Xhersi

Më: 15 janar 2022 Në ora: 21:07
Në këtë imazh të marrë nga një video e siguruar nga Mikey B, një zjarr shfaqet pranë një uzine kimike më 14 janar 2022 në Passaic, New Jersey. (Mikey B nëpërmjet AP)

Një zjarr vazhdoi të digjet në mënyrë dramatike gjatë gjithë natës dhe deri në mëngjesin e të shtunës pranë një fabrike kimikatesh në veri të Nju Xhersit. Autoritetet nuk lëshuan urdhëra evakuimi dhe nuk pati lëndime serioze, ndërsa tymi i rëndë dhe era e djegies u ndjenë deri në qytetin e Nju Jorkut.

Zjarri në fabrikën e kimikateve të kompanisë Majestic Industries and Qualco në Passaic, përfshiu godinat ku magazinoheshin materiale plastike, palete e klorinë, thanë zyrtarët. Megjithatë u arrit të shmangej katastrofa.

Ekipet e emergjencave luftuan me flakët deri në mëngjes tha kryebashkiaku Hector Lora, dhe u arrit që të izolohej zjarri.

Banorët u këshilluan të mbyllnin dritaret, por nuk iu kërkua të evakuohen. Zyrtarët thanë se cilësia e ajrit ishte e pranueshme dhe se do të vazhdonin monitorimin.

Megjithatë disa banorë u larguan vetë.

Moti shumë i ftohtë ngriu ujin në pompa dhe tuba, duke i penguar sigurimin e ujit nga lumi Passaic si dhe duke shkaktuar rrëshkitjen e zjarrfikësve. Një zjarrfikës u paraqit në spital me lëndim në sy./VOA

Të nderuar lexues të gazetës “Bota sot”, komentet që përmbajnë fyerje, ofendime dhe sharje nuk lejohen në portal. Andaj, komentet e juaja do të kalojnë në filtra për aprovim dhe të tillat që përmbajnë gjuhë që nuk përkon me rregullat, nuk do të aprovohen. Ju faleminderit.
Sot mund të lexoni Shfletoni kopertinat