Xiomara Castro betohet si presidentja e parë grua në Honduras

Amerika

Xiomara Castro betohet si presidentja e parë grua në Honduras

Më: 27 janar 2022 Në ora: 23:31
Xiomara Castro

Xiomara Castro është betuar si presidentja e parë grua në Honduras, mes një krize politike që kërcënon planet e saj për kombin e varfër.

Gjatë ceremonisë kur u betua, ajo deklaroi se po e merrte drejtimin e një vendi “të thyer”, por u zotua të ndiqte drejtësinë sociale dhe transparencën.

62-vjeçarja ka premtuar se do të luftojë bandat e fuqishme të trafikut të drogës dhe do të ndryshojë ligjet e rrepta të abortit.

Burri i zonjës Castro, Manuel Zelaya, drejtoi vendin nga viti 2006 deri në vitin 2009, kur ai u rrëzua nga një grusht shteti.

Ajo kandidoi për këtë detyrë dy herë në vitet pas largimit të tij nga pushteti, përpara fitores së saj në zgjedhjet e nëntorit të kaluar, shkruan BBC.

Të nderuar lexues të gazetës “Bota sot”, komentet që përmbajnë fyerje, ofendime dhe sharje nuk lejohen në portal. Andaj, komentet e juaja do të kalojnë në filtra për aprovim dhe të tillat që përmbajnë gjuhë që nuk përkon me rregullat, nuk do të aprovohen. Ju faleminderit.
Sot mund të lexoni Shfletoni kopertinat