​Shtëpia e Bardhë: Putin po shpik kërcënime që nuk ekzistojnë për të justifikuar agresionin

Amerika

​Shtëpia e Bardhë: Putin po shpik kërcënime që nuk ekzistojnë për të justifikuar agresionin

Më: 27 shkurt 2022 Në ora: 18:24
Zëdhënësja e Shtëpisë së Bardhë Jen Psaki

Zëdhënësja e Shtëpisë së Bardhë Jen Psaki tha se vendimi i presidentit rus Vladimir Putin për të vënë forcat bërthamore të Rusisë në gatishmëri të lartë ishte pjesë e një modeli më të gjerë të përshkallëzimit të paprovokuar dhe kërcënimeve të sajuara nga Moska zyrtare.

"Ky është me të vërtetë modeli që pamë nga presidenti Putin gjatë këtij konflikti, i cili prodhon kërcënime që nuk ekzistojnë për të justifikuar agresionin e mëtejshëm - dhe komuniteti global dhe populli amerikan duhet ta shohin atë përmes këtij prizmi," tha Psaki, transmeton CNN.

E pyetur për ndihmën ose sanksionet e mëtejshme ushtarake, Psaki tha se Shtetet e Bashkuara janë të gatshme të dërgojnë më shumë furnizime ushtarake humanitare, ekonomike dhe të mbrojtjes.

“Dëshiroj të përmend se sanksionet që shpallëm dje, e vendosin Rusinë në të njëjtin nivel me Iranin, duke e shkëputur atë nga sistemi bankar me komunitetin global”, tha Psaki.

Ndryshe, Putin ka urdhëruar sot që forcat e parandalimit, ku përfshihen edhe armët bërthamore, të vihen në gatishmëri të lartë.

Të nderuar lexues të gazetës “Bota sot”, komentet që përmbajnë fyerje, ofendime dhe sharje nuk lejohen në portal. Andaj, komentet e juaja do të kalojnë në filtra për aprovim dhe të tillat që përmbajnë gjuhë që nuk përkon me rregullat, nuk do të aprovohen. Ju faleminderit.
Sot mund të lexoni Shfletoni kopertinat