Një 15-vjeçar amerikan, i cili ka vrarë 4 shokë në gjimnazin e tij, do të marrë një laptop për të vazhduar mësimin “online”, nga burgu.
Ethan Crumbley do të pajiset me laptop dhe internet muajin e ardhshëm, sapo të mbushë 16 vjeç.
Adoleshenti, i cili akuzohet për 4 vrasje me paramendim, nuk e ka marrë ende dënimin e tij për ngjarjen që ndodhi në 30 nëntor, në Oksford.
Edhe prindërit e tij, James dhe Jennifer Crumbley, janë në burg, pasi i kishin dhuruar djalit armën me të cilin kreu krimin. Gjithashtu, akuzohen se nuk kanë ndërhyrë kur fëmija i tyre tregoi shenja të problemeve mendore në shtëpi dhe në shkollë.
