Disa persona janë qëlluar me armë zjarri dhe të paktën 13 persona janë plagosur të martën në një stacion metroje në Nju Jork, ku autoritetet gjetën eksplozivë të pashpërthyer, tha Departamenti i Zjarrfikësve.
Incidenti ndodhi në mëngjes, ku stacioni i metrosë në Bruklin është mjaft i ngarkuar, raportuan mediat. CNN dhe media të tjera kanë raportuar se të paktën pesë persona janë plagosur me armë zjarri, teksa janë thirrur në burime brenda Departamentit të Zjarrfikësve të Nju Jorkut.
Ende është i paqartë numri i personave të plagosur, përfshirë edhe të atyre që janë qëlluar me armë zjarri.
.@NYCMayor continues to be briefed on the situation.
— Fabien Levy (@Fabien_Levy) April 12, 2022
While we gather more information, we ask New Yorkers to stay away from this area for their safety and so that first responders can help those in need and investigate. https://t.co/Tl2EXx8wuC
Associated Press duke u thirrur në burime që kanë njohuri me hetimin e kësaj ngjarjeje, tha se informacionet paraprake sugjerojnë se një i dyshuar ishte veshur me rroba të punëtorëve ndërtimorë dhe kishte një gazmaskë.
Një fotografi nga skena shfaqi njerëz që ndihmonin pasagjerët e gjakosur të cilët ishin të shtrirë në stacionin e metrosë.
Kryetari i Nju Jorkut, Eric Adams, tha se është informuar për të shtënat në stacionin në Bruklin.
“Përderisa ne mbledhim më shumë informacione, u bëjmë thirrje njujorkezëve që të qëndrojnë larg kësaj zone për sigurinë e tyre dhe në mënyrë që zyrtarët të mund të ndihmojnë ata që kanë nevojë dhe të hetojnë rastin”, shkroi në Twitter Fabrien Levy, zëdhënësi i kreut të Nju Jorkut.
Si pasojë e kësaj ngjarjeje, trenat në këtë stacion janë vonuar gjatë mëngjesit të së martës.
