“Do të vdesësh”, atentatori i Teksasit qëlloi pa mëshirë 10-vjeçaren pasi ajo tentoi të telefononte policinë

Amerika

“Do të vdesësh”, atentatori i Teksasit qëlloi pa mëshirë 10-vjeçaren pasi ajo tentoi të telefononte policinë

Më: 25 maj 2022 Në ora: 17:35
Ameri 10 vjeçare

Kasapi i Teksasit, Salvador Ramos është treguar i pamëshirshëm kur pa një vajzë dhjetëvjeçare që e shikonte me frikë, e cila kishte nxjerrë telefonin për të telefonuar policinë.

Sipas DailyMail, Ameri Joe Garzias, një nxënëse, është një nga 19 fëmijët që u vranë gjakftohtësisht nga 18-vjeçari Ramos kur ai sulmoi shkollën fillore Rob në Ovalde, Teksas.

Vajza e vogël tentoi të përdorte celularin teksa telefononte “911” , kur pa të armatosurin të hynte në klasën e shkollës dhe të thoshte: “Do të vdesësh”.

“Ai e pa Amerin me telefon në dorë dhe e qëlloi atë. Ai e vrau atë”,- tha gjyshja e saj, Berlinetta Irene Areola.

E tronditur, gjyshja e vajzës përshkruan atë që di për momentet e fundit të jetës së saj ku ju tha se Ramos hyri në klasën e Amerit dhe ju tha nxënësve se do të vdisnin.

“Reagimi i parë i Amerit ishte thirrja e policisë, ndërsa pranë saj, në tavolinë, ishte ulur shoqja e saj më e mirë, e cila u gjet e mbuluar në gjak”,- tha Areola për mbesën e saj heroinë.

Vdekja e nxënëses dhjetëvjeçare ka qenë e menjëhershme, ndërkohë që gjyshja e saj ende nuk mund ta besojë se përse kasapi i Teksasit reagoi kur e pa vajzën duke përdorur celularin.

“Pse në vend që t’i merrte celularin apo ta thyente, ai hapi zjarr dhe e vrau me gjakftohtësinë më të madhe” pyet ajo me ngashërim.

Të nderuar lexues të gazetës “Bota sot”, komentet që përmbajnë fyerje, ofendime dhe sharje nuk lejohen në portal. Andaj, komentet e juaja do të kalojnë në filtra për aprovim dhe të tillat që përmbajnë gjuhë që nuk përkon me rregullat, nuk do të aprovohen. Ju faleminderit.
Sot mund të lexoni Shfletoni kopertinat