Kryebashkiaku mban premtimin, buldozeri shtyp dhjetëra motoçikleta dhe automjete të sekuestruara në Nju Jork

Amerika

Kryebashkiaku mban premtimin, buldozeri shtyp dhjetëra motoçikleta dhe automjete të sekuestruara në Nju Jork

Më: 22 qershor 2022 Në ora: 22:25
Buldozeri shtyp dhjetëra motoçikleta dhe automjete të sekuestruara në Nju Jork

Mbi 100 motoçikleta dhe automjete të tjera për terrene të vështira u rreshtuan dhe u shtypën nga një buldozer, në qytetin e Nju Jorkut.

Sipas mediave të huaja, ato ishin vetëm disa nga 2000 automjetet e paligjshme që u sekuestruan këtë vit nga Departamenti i Policisë së Nju Jorkut.

Një veprim i tillë, siç thuhet më tej, u bë nën një premtim të kryebashkiakut Eric Adams për të zhdukur “telashet” nga qyteti.

Motoçikletat dhe automjetet për terrene të vështira janë projektuar për rrugë të paasfaltuara dhe është e paligjshme t’i ngasësh ato në rrugët e qytetit.

Policia e Nju Jorkut ka thënë se i shkatërron motoçikletat vetëm pasi përpiqet të gjejë pronarët e tyre të ligjshëm.

Komisioneri i policisë Keechant Sewell tha se NYPD vazhdon të sekuestrojë motoçikleta të paligjshme në emër të sigurisë dhe rendit publik.

Të nderuar lexues të gazetës “Bota sot”, komentet që përmbajnë fyerje, ofendime dhe sharje nuk lejohen në portal. Andaj, komentet e juaja do të kalojnë në filtra për aprovim dhe të tillat që përmbajnë gjuhë që nuk përkon me rregullat, nuk do të aprovohen. Ju faleminderit.
Sot mund të lexoni Shfletoni kopertinat