Guvernatorja e Nju-Jorkut: Rushdie është gjallë dhe po e merr kujdesin që i nevojitet

Amerika

Guvernatorja e Nju-Jorkut: Rushdie është gjallë dhe po e merr kujdesin që i nevojitet

Më: 13 gusht 2022 Në ora: 07:42
Salman Rushdie

Guvernatorja e Nju-Jorkut, Kathy Hochul, u tha gazetarëve të premten se Rushdie është “gjallë” dhe “duke marrë kujdesin që i nevojitet”. Ajo theksoi se një ushtarak “u ngrit në këmbë dhe ia shpëtoi jetën dhe e mbrojti atë, si dhe moderatorin që gjithashtu u sulmua”.

“Këtu është një person që ka kaluar dekada duke ia thënë të vërtetën pushtetit”, tha guvernatorja për shkrimtarin Rushdie. “Dikush që ka qenë atje pa frikë, pavarësisht kërcënimeve që e kanë ndjekur gjatë gjithë jetës së tij”.

Rushdie po prezantohej rreth orës 10:45 të mëngjesit kur ndodhi sulmi, sipas një dëshmitari, i cili tha se dëgjoi britma nga audienca. Ai tha se një burrë me një këmishë të zezë dukej se po e “grushtonte” autorin. Dëshmitari, i cili ishte disa metra larg skenës, nuk e dëgjoi sulmuesin të thoshte gjë apo nëse kishte ndonjë armë.

Disa njerëz në audiencë vrapuan për të ofruar ndihmë, ndërsa të tjerët shkuan pas sulmuesit, tha dëshmitari.

Një tjetër dëshmitar i tha CNN-it se nuk kishte kontrolle sigurie apo detektorë metali në ngjarje. Dëshmitari nuk u identifikua sepse u shpreh i shqetësuar për sigurinë e tij personale.

Ai shtoi se sulmuesi “eci shpejt” në një rresht dhe u hodh në skenë, duke iu afruar autorit dhe “duke e goditur me dorën e tij në mënyrë të përsëritur”.

Një dëshmitare e tretë, një banore për një kohë të gjatë në Chautauqua, e cila kërkoi të mos identifikohej, tregoi se pa një trazirë në skenë dhe një burrë që bëri rreth shtatë deri në 10 lëvizje me thikë në drejtim të autorit, i cili ishte në një pozicion gjysmë në këmbë. Ajo tha se u largua nga amfiteatri “duke u tundur si gjethe” nga frika.

Të nderuar lexues të gazetës “Bota sot”, komentet që përmbajnë fyerje, ofendime dhe sharje nuk lejohen në portal. Andaj, komentet e juaja do të kalojnë në filtra për aprovim dhe të tillat që përmbajnë gjuhë që nuk përkon me rregullat, nuk do të aprovohen. Ju faleminderit.
Sot mund të lexoni Shfletoni kopertinat