​Biden nënshkruan ligjin historik të klimës javën e ardhshme

Amerika

​Biden nënshkruan ligjin historik të klimës javën e ardhshme

Më: 13 gusht 2022 Në ora: 20:10
Joe Biden

Presidenti Joe Biden njoftoi se javën e ardhshme do të nënshkruajë një ligj me vlerë 430 miliardë dollarë, i cili konsiderohet paketa më e madhe për të luftuar ndryshimet klimatike në historinë e SHBA-së dhe është projektuar për të reduktuar emetimin e gazrave të dëmshëm.

Më herët Dhoma e Ulët e Kongresit Amerikan miratoi një projekt-ligj për ndryshimet klimatike, kujdesin shëndetësor dhe taksat, i njohur edhe si ligji për uljen e inflacionit dhe Senati e bëri këtë më parë.

Nga shuma e planifikuar, 370 miliardë dollarë do të drejtohen për luftën kundër ndryshimeve klimatike, që është ligji më bujar për ndryshimet klimatike i miratuar nga Kongresi deri më tani.

Projektligji u ofron bizneseve dhe familjeve miliarda stimuj për të blerë automjete elektrike dhe pajisje me efikasitet energjie, si dhe për të inkurajuar investime të reja në energjinë e erës dhe diellit që do të dyfishonin sasinë e kapaciteteve të reja të prodhimit të energjisë së pastër.

Kjo do të ndihmonte SHBA-në të arrinte në rrugën e duhur për të përmbushur premtimin e saj për të përgjysmuar emetimet e gazeve serrë nën nivelet e vitit 2005 deri në vitin 2030.

Të nderuar lexues të gazetës “Bota sot”, komentet që përmbajnë fyerje, ofendime dhe sharje nuk lejohen në portal. Andaj, komentet e juaja do të kalojnë në filtra për aprovim dhe të tillat që përmbajnë gjuhë që nuk përkon me rregullat, nuk do të aprovohen. Ju faleminderit.
Sot mund të lexoni Shfletoni kopertinat