Biden: SHBA në pozicion të fortë për t’u ndeshur me sfidat ekonomike

Amerika

Biden: SHBA në pozicion të fortë për t’u ndeshur me sfidat ekonomike

Më: 27 shtator 2022 Në ora: 06:11
Joe Biden

Presidenti Joe Biden thotë se Shtetet e Bashkuara janë në një pozicion më të fortë se çdo vend tjetër për të përballuar sfidat globale, pasi ai u kërkoi kompanive që kontrollojnë pikat e karburantit, bankat dhe shërbimet e telefonisë celulare të ulin kostot për konsumatorët që po përballen me inflacionin e lartë.

Gjatë një takimi në Shtëpinë e Bardhë të hënën, Presidenti Biden tha se "tarifat e padëshiruara" bankare dhe tarifat e ndërprerjes së shërbimeve të telefonisë celulare po dëmtonin familjet dhe se operatorët e pikave të shitjes së karburantit duhet të ulnin çmimet.

Komentet e Bidenit pasuan një rënie të madhe në tregun e aksioneve në Nju Jork për shkak të shqetësimit të investitorëve se fushata agresive e Rezervës Federale për uljen e inflacionit mund të shkaktojë një rënie të madhe të ekonomisë amerikane.

Nërkohë, Organizata për Bashkëpunim Ekonomik dhe Zhvillim (OEBCD), me seli në Paris, tha se do të ketë një ngadalësim të ekonomisë globale në pjesën tjetër të këtij viti dhe më tej në vitin 2023.

OECD rendit sulmin rus ndaj Ukrainës dhe politikat socio-ekonomike të Kinës si shkaqet kryesore të ngadalësimit ekonomik global./VOA

Të nderuar lexues të gazetës “Bota sot”, komentet që përmbajnë fyerje, ofendime dhe sharje nuk lejohen në portal. Andaj, komentet e juaja do të kalojnë në filtra për aprovim dhe të tillat që përmbajnë gjuhë që nuk përkon me rregullat, nuk do të aprovohen. Ju faleminderit.
Sot mund të lexoni Shfletoni kopertinat