​Blinken: Rrjedhjet në tubacionet e gazit nuk ndikojnë në furnizim

Amerika

​Blinken: Rrjedhjet në tubacionet e gazit nuk ndikojnë në furnizim

Më: 27 shtator 2022 Në ora: 19:09
Foto ilustrim

Sekretari amerikan i Shtetit, Antony Blinken tha sot se rrjedhjet e zbuluara në tubacionet e gazit Nord Stream nuk do të kenë një ndikim të rëndësishëm në furnizimin me energji të Evropës.

Ai në një konferencë shtypi së bashku me ministrin e Jashtëm të Indisë, tha se SHBA nuk i kishte konfirmuar raportet fillestare se rrjedhja mund të ishte rezultat i një sulmi ose sabotimi, por se nëse ishte sabotim, nuk ishte në interesin e askujt.

Dëmtimet në tri këmbët e tubacioneve Nord Stream 1 dhe Nord Stream 2 janë të paprecedentë dhe koha e riparimit është e pamundur të vlerësohet për momentin, njoftoi më herët sot Nord Stream AG, operatori i gazsjellësit Nord Stream 1.

“Dëmtimi që ka ndodhur në një ditë njëkohësisht në tri linja të sistemit të tubacioneve nënujore Nord Stream është i paprecedentë. Për momentin, nuk është e mundur të vlerësohet koha për riparimin e infrastrukturës së transportit të gazit”, tha kompania në një deklaratë.

Të nderuar lexues të gazetës “Bota sot”, komentet që përmbajnë fyerje, ofendime dhe sharje nuk lejohen në portal. Andaj, komentet e juaja do të kalojnë në filtra për aprovim dhe të tillat që përmbajnë gjuhë që nuk përkon me rregullat, nuk do të aprovohen. Ju faleminderit.
Sot mund të lexoni Shfletoni kopertinat