Përhapja e gripit të shpendëve vret më shumë se 50 milionë zogj në SHBA

Amerika

Përhapja e gripit të shpendëve vret më shumë se 50 milionë zogj në SHBA

Më: 24 nëntor 2022 Në ora: 22:47
Foto ilustrim

Gripi i shpendëve ka zhdukur 50.54 milionë zogj në Shtetet e Bashkuara këtë vit, duke e bërë atë shpërthimin më vdekjeprurës të vendit në histori, treguan të dhënat e Departamentit Amerikan të Bujqësisë.

Sipas mediave të huaja, ngordhja e pulave, gjelave dhe shpendëve të tjerë përfaqëson fatkeqësinë më të keqe të shëndetit të kafshëve në SHBA deri më tani, duke kaluar rekordin e mëparshëm prej 50.5 milionë zogjsh që ngordhën nga një shpërthim i gripit të shpendëve në vitin 2015.

Zogjtë shpesh ngordhin pasi infektohen.

Tufa të tëra, gjithashtu shkatërrohen për të kontrolluar përhapjen e sëmundjes edhe nëse një zog i vetëm rezulton pozitiv.

Dhe humbjet e tufave të shpendëve çuan çmimet për vezët dhe mishin e shpendëve në nivele rekord, duke përkeqësuar krizën ekonomike për konsumatorët që përballen me inflacion dhe duke i bërë më të shtrenjta festimet e Ditës së Falënderimeve të së enjtes në Shtetet e Bashkuara.

Evropa dhe Britania po vuajnë gjithashtu krizat e tyre më të këqija të gripit të shpendëve dhe disa supermarkete britanike racionalizuan blerjet e vezëve të klientëve pasi shpërthimi ndërpreu furnizimet.

Përhapja në SHBA, e cila filloi në shkurt, infektoi tufat e shpendëve dhe jo shpendëve në 46 shtete, tregojnë të dhënat e USDA.

Zogjtë e egër si rosat e transmetojnë virusin, i njohur si gripi i shpendëve shumë patogjenik (HPAI), përmes fecesit, puplave ose kontaktit të drejtpërdrejtë me shpendët. 

Të nderuar lexues të gazetës “Bota sot”, komentet që përmbajnë fyerje, ofendime dhe sharje nuk lejohen në portal. Andaj, komentet e juaja do të kalojnë në filtra për aprovim dhe të tillat që përmbajnë gjuhë që nuk përkon me rregullat, nuk do të aprovohen. Ju faleminderit.
Sot mund të lexoni Shfletoni kopertinat