Policia në shtetin amerikan të Alabama ka arrestuar një grua 82-vjeçare për një faturë mbeturinash të papaguar.
Martha Louis Menefield tha se ishte konfuze pasi oficerët e prangosën dhe e arrestuan të dielën.
Shuma që çoi në arrestimin e saj ishte 77,80 dollarë (63,28 £).
Në një deklaratë në Facebook, policia tha se e trajtuan me respekt zonjën Menefield dhe se e kishin njoftuar disa herë se ajo nuk kishte paguar faturën për tre muaj.
"Zonja Menefield u trajtua me respekt nga oficerët tanë në kryerjen e detyrave të tyre dhe u lirua me një garanci siç parashikohej nga shkelja," tha Mike Reynolds, shefi i policisë për City of Valley në Alabama, në deklaratën, e cila ka ngjallur shumë kritika në internet.
Njerëz nga Alabama dhe i gjithë vendi denoncuan departamentin e policisë në seksionin e komenteve.
"Të gjithë ata që luajtën një rol në arrestimin e 82-vjeçares duhet të mbajnë përgjegjësi për veprimet e tyre," shkroi Donald Watkins, një ish-avokat në shtet.
