Marina kolumbiane sekuestron nëndetësen më të madhe të improvizuar me drogë, bllokohen 3 ton kokainë

Amerika

Marina kolumbiane sekuestron nëndetësen më të madhe të improvizuar me drogë, bllokohen 3 ton kokainë

Më: 13 maj 2023 Në ora: 07:58
Droga

Marina Kolumbiane njoftoi dje se kanë sekuestruar nëndetësen më të madhe të improvizuar të kontrabandës së drogës të zbuluar ndonjëherë në historinë e vendit, tridhjetë metra e gjatë dhe tre e gjerë, e cila ishte e ngarkuar me tre ton kokainë.

Nëndetësja u gjet të martën teksa lundronte drejt Amerikës Qendrore, duke ndjekur një nga rrugët më të përdorura të trafikut të drogës në tregun amerikan, konsumatori më i madh në botë i kokainës kolumbiane.

Imazhet e publikuara nga autoritetet kolumbiane tregojnë mjetin e lundrimit në ujë, si dhe ngarkesën që ajo mbante në tokë: qindra pako droge, të etiketuara “Toyota” (trafikantëve u pëlqen të vendosin firma, shpesh duke përdorur marka të famshme botërore, në pajisjet e tyre), ndërsa 3 persona u arrestuan. Mediat e huaja raportojnë se kjo është anija më e madhe e llojit të saj e kapur ndonjëherë që kur e para u pa në vitin 1993 në vendin më të madh të prodhimit të kokainës në botë.

Në tre dekada, Marina Kolumbiane ka sekuestruar 228 anije të tilla të improvizuara, të cilat nisen të ngarkuara me tonelata droge përmes Paqësorit në SHBA dhe ndonjëherë edhe përtej Atlantikut për në Evropë. Tre të dyshuarit kolumbianë të arrestuar në operacion dëshmuan se ata “u detyruan nga një organizatë e trafikut të drogës të hipnin dhe të drejtonin anijen gjysmë zhytëse (…) për në Amerikën Qendrore”. Tre burrat, 63, 54 dhe 45 vjeç u dërguan në Tumaco (në jug), për t’u nxjerrë para drejtësisë, ndërsa vlera e drogës nëse do të kishte dalë në treg është 103 milionë dollarë.

commentFirst article
Sot mund të lexoni Shfletoni kopertinat