Presidenti amerikan Donald Trump deklaroi sot se do ta konsideronte një “fyerje” për SHBA-në nëse Çmimi Nobel për Paqe nuk i jepet atij, gjatë një fjalimi përpara një tubimi të komandantëve ushtarakë amerikanë në Quantico, Virginia, pranë Uashingtonit.
“Do ta japin ndonjë tipit që nuk ka bërë absolutisht asgjë,” tha Trump, duke u lavdëruar se ka përfunduar shumë konflikte.
Drejtuar zyrtarëve të lartë ushtarakë, ai shtoi: “Kjo do të ishte një fyerje e madhe për vendin tonë.”
Në fjalimin e tij, Trump e paraqiti veten si autor të arritjeve që kanë çuar drejt përfundimit të konflikteve, një qëndrim që përsëritet shpesh në shfaqjet publike të tij para pjesëtarëve të forcave të armatosura.
