I dërguari special i Trump, Steve Witkoff, dhe Jared Kushner, dhëndri i presidentit, do të udhëtojnë në Egjipt këtë fundjavë për negociata mbi detajet e lirimit të pengjeve dhe aspekte të tjera të propozimit, sipas dy zyrtarëve amerikanë, shkruan CNN.
Vizita e planifikuar vjen pasi Trump shkroi në mediat sociale se besonte që grupi militant ishte “gati për një PAQE të qëndrueshme” dhe i bëri thirrje Izraelit të ndalonte bombardimet e Gazës në mënyrë që të nxirrte pengjet.
Njëzet persona janë vrarë në sulmet izraelite në Gaza gjatë 12 orëve të fundit, sipas informacioneve nga spitalet e Gazës. Ndërkohë, Hamasi nuk e ka pranuar pa kushte propozimin e Trumpit, me një marrëveshje përfundimtare për armëpushim që është larg të qenit e sigurt.
Qeveria dhe ushtria e Izraelit po përgatiten për fazën e parë të planit të armëpushimit në Gaza të Presidentit të SHBA-së, Donald Trump, pasi Hamasi tha se ka rënë dakord të hyjë "menjëherë" në negociata për lirimin e të gjithë pengjeve.
