Një vajzë 5-vjeçare thuhet se u vra nga aligatorët në Florida, SHBA, pasi u rrëmbye nga një burrë 76-vjeçar.
Sipas Daily Mail, Harrell Brady, 76 vjeç, u kthye në një gjykatë në Florida ku përballet me dënimin me vdekje, për rrëmbimin dhe vdekjen e pesëvjeçares Quatisha Maycock në vitin 1998.
Brandy u dënua fillimisht me vdekje në vitin 2007, por ndryshimet në ligjet e dënimit të Floridës e kanë rihapur çështjen e tij, duke kërkuar që një juri e re të vendosë për fatin e tij.
Çështja daton që nga nëntori i vitit 1998, kur Harrel Brandi rrëmbeu Quatisën dhe nënën e saj, Sandel, pasi nëna dyshohet se i kishte refuzuar propozimet e tij.
Së pari, Brandi i çoi ata në një fushë me kallam sheqeri. Atje, ai u përpoq ta mbyste nënën dhe e la pa ndjenja, duke menduar se kishte vdekur, por ajo përfundimisht mbijetoi.
Pastaj, Brandi e çoi pesëvjeçaren Quatisha në një zonë të Everglades të njohur si “Rrugica e Aligatorëve”.
76-vjeçari pranoi para hetuesve të policisë se e la fëmijën atje sepse kishte frikë se ajo mund ta njihte, duke pranuar se vajza e vogël e kishte kuptuar se kishte të ngjarë të vdiste.
Trupi i Quatisës u zbulua në një kanal dy ditë më vonë. Një autopsi zbuloi se ajo vdiq nga një traumë me forcë në kokë, por provat treguan se ajo ishte kafshuar nga aligatorë ndërsa ishte gjallë – megjithëse me shumë gjasa pa ndjenja – dhe se krahu i saj i majtë ishte prerë gjithashtu nga një kafshim aligatori, ndërsa ishte e vdekur.
Raporti tha gjithashtu se vajza ishte kafshuar nga aligatorë në gjoks dhe kokë ndërsa ishte ende gjallë, megjithëse me shumë gjasa ishte pa ndjenja kur ndodhi. Ajo gjithashtu kishte lëndime në fytyrë nga kafshimet e peshqve që jetojnë në zonë.
“Ne duhet t’i mbrojmë fëmijët nga përbindëshat, ne nuk jemi përbindësha”, tha në vendimin e tij për dënimin, gjykatësi i atëhershëm i Gjykatës së Qarkut të Miamit, Leonard E. Glick.
Ai e përshkroi vrasjen si një tradhti të përgjegjësive më themelore të të rriturve.
«Të rriturit supozohet t’i mbrojnë fëmijët nga përbindëshat», tha Glick. «Ata nuk supozohet të jenë vetë përbindëshat».
Përzgjedhja e jurisë për rigjykimin e Brandit filloi këtë javë në Gjykatën e Qarkut Miami-Dade.
