Vëllai i Elon Musk shet gati 109 milionë dollarë nga aksionet e tij në Tesla

Auto

Vëllai i Elon Musk shet gati 109 milionë dollarë nga aksionet e tij në Tesla

Më: 11 nëntor 2021 Në ora: 06:27
Kimbal Musk, vëllai më i vogël i Drejtorit Ekzekutiv të Tesla, Elon Musk

Kimbal Musk, vëllai më i vogël i Drejtorit Ekzekutiv të Tesla, Elon Musk, shiti 88,500 aksione të kompanisë të premten.

Dhe me një çmim mesatar prej 1,229.91 dollarë, ai ka bërë gati 109 milionë dollarë si rezultat i transaksionit, shkruajnë mediat e huaja.

Shitja ndodhi të premten, më 5 nëntor dhe arriti në afërsisht 15 për qind të aksioneve të Kimbal në kompani.

Megjithatë, ajo nuk u bë publike deri të hënën pasdite, pasi Elon Musk pyeti ndjekësit në Twitter nëse ai duhet të shesë 10 për qind të aksioneve të tij në kompani.

Shitja e Elon do të ishte rreth 21 miliardë dollarë, megjithëse sondazhi në Twitter bëri që çmimi i aksionit të binte rreth 12 për qind.

Kimbal dhe Elon nuk janë të vetmit që përfitojnë nga rritja e jashtëzakonshme e Teslës, e cila ka parë rritjen e çmimit të aksioneve të kompanisë me 1600 për qind në dy vitet e fundit.

Në tetor, drejtorët e kompanive si Ira Ehrenpreis, Robyn Denholm dhe Antonio Gracias të gjithë shitën aksione që së bashku kapin vlerën e qindra miliona dollarëve, raporton Business Insider.

Së bashku me pozicionin e tij në Tesla, Kimbal Musk është CEO i Kitchen Restaurant Group, si dhe themeluesi i Square Roots Urban Growers Inc., një biznes bujqësor urban.

Ai ka qenë në bordin e Tesla që nga prilli 2004 dhe është gjithashtu drejtor në SpaceX. 

Të nderuar lexues të gazetës “Bota sot”, komentet që përmbajnë fyerje, ofendime dhe sharje nuk lejohen në portal. Andaj, komentet e juaja do të kalojnë në filtra për aprovim dhe të tillat që përmbajnë gjuhë që nuk përkon me rregullat, nuk do të aprovohen. Ju faleminderit.
Sot mund të lexoni Shfletoni kopertinat