Fundoset anija më e madhe e forcave iraniane, Irani akuzon Izraelin

Azia

Fundoset anija më e madhe e forcave iraniane, Irani akuzon Izraelin

Më: 2 qershor 2021 Në ora: 10:19
Foto

Anija më e madhe e flotës iraniane u fundos të enjten në ujërat e vendit për shkak të një zjarri që nuk raportohet se çfarë e shkaktoi. Në raste të ngjashme në muajt e fundit, Irani e ka drejtuar gishtin e fajit drejt shteteve kundërshtare, si Izraeli.

Irani humbi të mërkurën anijen më të rëndë të flotës së vet, prej zjarrit që u përhap në mjet për shkaqe ende të panjohura.

Personeli u arrit të evakuohej me sukses në orët e pasmesnatës, por operacionet e gjera të shpëtimit nuk e evituan dot fundosjen e anijes së madhe gati 20-mijëtonëshe.

Mjeti ra afër portit të Xhaskut, rreth 1,270 km nga Teherani por afër Ngushticës së Hormuzit ngjitur me shtetin arabik të Omanit.

Anija që mbante emrin e terminalit kryesor të naftës të Iranit lundronte prej vitit 1977, një prodhim britanik dhe që kryesisht përdorej me qëllimin për të furnizuar anijet e tjera ose si pikë uljeje për helikopterët.

Ndërsa zyrtarisht nuk raportohen shkaqet e zjarrit, Irani këtë vit ka regjistruar disa incidente të ngjashme në ujërat territorialë.

Në muajin prill, një nga mjetet lundrues të vendit mori flakë në Detin e Kuq pasi u raportua se u sulmua me mina deti.

Prej muajit shkurt, si Irani, edhe Izraeli kanë rritur tensionet dhe qarkullojnë akuza të ndërsjella se secila palë qëndron pas aksidenteve të tilla.

comment Për komente lëvizni më poshtë
Sot mund të lexoni Shfletoni kopertinat