Të paktën tre persona kanë vdekur në një rrëmujë gjatë festimit të dasmës së djalit të guvernatorit të provincës West Java të Indonezisë, Dedi Mulyadi, në qytetin Garut.
Eventi, i cili ishte i hapur për publikun dhe përfshinte argëtim dhe shpërndarje falas të ushqimit, tërhoqi mijëra njerëz, raportoi Jakarta Globe.
Autoritetet lokale thanë se rrëmuja ndodhi pas lutjeve të së premtes, kur turma u bë e pakontrollueshme, duke rezultuar në përleshje vdekjeprurëse.
Midis viktimave ishte tetëvjeçarja Vania Aprilia, e cila po merrte pjesë në event me nënën e saj. Dy viktimat e tjera ishin 61 dhe 39-vjeç.
Pavarësisht pranisë së policisë, masat e sigurisë rezultuan të pamjaftueshme për të kontrolluar turmën.
Autoritetet nuk kanë konfirmuar ende nëse do të merren masa shtesë në lidhje me mangësitë e sigurisë në even.