Curry i dhuron fitoren Golden State, surprizat Milwaukee e Denver kryesojne Konferencat - Bota Sot
Curry i dhuron fitoren Golden State, surprizat Milwaukee e Denver kryesojne Konferencat

Basketboll

Curry i dhuron fitoren Golden State, surprizat Milwaukee e Denver kryesojne Konferencat

Më: 6 janar 2019 Në ora: 09:29
Ilustrim - Stephen Curry

Kampionët e Golden State fituan 1127-123 ndaj Sacramento, në fushën e këtij të fundit, ndeshje me rivalitet dhe emocione, ku vendimtar ishte Stephen Curry, autor i 42 pikëve, më i miri në fushë. Mirë u paraqitën edhe Durant me 29 pikë e Thompson me 20, një trio që bëri diferencën. Për Sacramento u dalluan Hield me 32 pikë e Jackson me 28, por që mbetën për statistikë.

Pa problem fiton skuadra e San Antonio, që mundi 108-88 Memphis, sfidë e dominuar nga basketbollistët e Spurs, me White që realizoi 19 pikë e Aldridge 18. Vijon sezoni zhgënjyes i nën-kampionëve të NBA-së, Cleveland, që u mundën 133-98 nga New Orleans, ndeshje ku Holiday e Randle realizuan nga 22 pikë për miqtë.

Një fitore të rëndësishme jashtë fushe korri skuadra e Torontos, që mundi 123-116 Milwaukee, dy skuadra pretendente për titull në Konferencën e Lindjes. Vendasit patën epërsi në pjesën e parë, ku u dallua Antetokounmpo, autor i 43 pikëve e 18 rebound, por që s’mjaftuan për të evituar humbjen. Loja e mirë kolektive e skuadrës kanadeze ishte çelësi i fitores për Toronto, ku Leonard e Siakam realizuan nga 30 pikë, ndërsa Ibaka 25.

Denver ruan kreun e renditjes në Konferencën e Perëndimit, pas fitores 123-110 ndaj Charlotte, sfidë ku u dallua Jokic, autor i 39 pikëve e 12 rebound. Fitore të rëndësishme për renditje korri skuadra e Philadelphia, që mposhti 106-100 Dallas, me Embiid që realizoi 25 pikë e 12 rebound, ndërsa Utah jazz mundi 110-105 Detroit jashtë fushe falë përmbysjes në minutat e fundit (Mitchell 26 pikë).

NBA – Rezultatet e sotme

Denver – Charlotte, 123-110

Detroit – Utah Jazz, 105-110

Philadelphia – Dallas, 106-100

Cleveland – New Orleans, 98-133

Milwaukee – Toronto, 116-123

San Antonio – Memphis, 108-88

Portland – Houston, 110-101

Sacramento – Golden State, 123-127

Shfaq komentet
comments powered by Disqus
Sot mund të lexoni Shfletoni kopertinat
Sondazh Pas votimit të projektligjeve për shndërrimin e FSK-së në ushtri, a mund të ketë inskenime nga Serbia për një luftë të re në Ballkan?
Loading...