Është lojtar stoli, por thyen rekordin historik të NBA-së - Bota Sot
Është lojtar stoli, por thyen rekordin historik të NBA-së

Basketboll

Është lojtar stoli, por thyen rekordin historik të NBA-së

Më: 13 mars 2019 Në ora: 15:33
Lou Williams

Basketbollisti i Clippers, Lou Williams, ka vendosur rekordin e ri të pikëve të realizuara nga një lojtar që e nis ndeshjen nga stoli. Numri 23 i Clippers historikisht ka qenë një “lojtar i gjashtë” në skuadrat ku ka luajtur, por kjo ia ka vlejtur.

Falë 34 pikëve të realizuara në fitoren 140-115 që Clippers arritën ndaj Boston, Lou Williams ngjitet në kuotën 11.154 pikëve të realizuara duke e nisur ndeshjen nga stoli. Ai theu rekordin e mëparshëm të 11.147 pikëve që mbahej nga Dell Curry (babai i Stephen Curry).

“Jam i nderuar për këtë rezultat, është diçka speciale për mua. Nuk ka rëndësi nëse je lojtar stoli apo titullar, kjo është diçka magjike për mua, të jem në listën e rekordeve të NBA-së. Tashmë jam një lojtar me rëndësi në sportin tonë”, tha Lou Williams.

Interesant fakti se Stephen Curry, ylli i Golden State, nuk e dinte që babai i tij mbante rekordin e pikëve të realizuara nga një lojtar stoli në NBA. “U desh që Williams të thyente rekordin e babait tim që unë ta mësoja këtë fakt. Urime”, shkruan Stephen Curry.

Shfaq komentet
comments powered by Disqus
Sot mund të lexoni Shfletoni kopertinat
Sondazh Pas votimit të projektligjeve për shndërrimin e FSK-së në ushtri, a mund të ketë inskenime nga Serbia për një luftë të re në Ballkan?
Loading...