Nga Komesari i Garave te Federata e Basketbollit e Kosovës janë konfirmuar tetë klubet që do marrin pjesë në Superligën e Kosovës.
Federata e Basketbollit e Kosovës kishte njoftuar të gjitha klubet se, afati i fundit për paraqitjen për edicionin e ri është data 10 shtator në ora 14:00.
Sot (7 shtator), Komesiari i Garave të FBK-së, Faton Kurshumlija në një prononcim për ‘Asistinonline’ ka konfirmuar se të gjitha skuadrat e Superligës së meshkujve janë paraqitur për edicionin e ri 2020/21.
“Të gjitha klubet e meshkujve të Superligës, kanë konfirmuar pjesëmarrjen edhe për edicionin e ri 2020/21. Shtyerja e afatit me tepër ka qenë vetëm për ligat më të ulëta dhe kategoriat e reja”, ka thënë Kurshumlija.
Lista e skuadrave të Superligës së meshkujve:
1. Sigal Prishtina
2. Peja
3. Rahoveci
4. Trepça
5. Bashkimi
6. Vëllaznimi
7. Ylli
8. Ponte
Kujtojmë se ditë më parë Bordi i FBK’së ka marrë vendim që të shtyjë fillimin e edicionit të ri për një muaj, më saktësisht që edicioni i ri të fillojë më 14.10.2020, kur edhe do të organizohen ndeshjet e Superkupës së Kosovës.
