Dekolteja e thellë e deputetes braziliane Anne Paula da Silva në ceremoninë e betimit shkaktoi reagime të ashpra në Brazil.
Sipas AP, ajo ishte në qendër të vëmendjes në mediat braziliane dhe në rrjetet sociale për shkak të rrobave që kishte veshur më 1 shkurt. Shumë nga rrobat e saj i quajtën të papërshtatshme, tronditëse dhe vulgare, ndërsa të tjerë thonë se rrobat nuk janë të rëndësishme.
Da Silva u prononcua në Facebook, duke mbrojtur zgjedhjen e saj të rrobave.
"Kjo botë e paragjykimeve në të cilën jetoni nuk është bota ime", iu përgjigj ajo një njeriu që e pyeti se si dekolteja e saj mund t’i kontribuojë demokracisë, transmeton KosovaPress.
Da Silva ishte e pesta për nga numri i votave të fituara në zgjedhjet parlamentare të vitit të kaluar dhe para kësaj ajo shërbeu dy mandate si kryebashkiake e Bombinas.
Ajo është nënë e dy fëmijëve dhe tha se do të vazhdojë të vërë çfarëdo që dëshiron. Megjithatë, ajo kërcënoi të padisë ata që i dërguan mesazhet më agresive.
