Një burrë nga Irlanda Veriore, i cili është akuzuar për mbytjen e 39 qytetarëve të Vietnamit, të gjetur të vdekur në një kamion frigorifer afër Londrës muajin e kaluar, e pranoi fajin për dhënie të ndihmës për imigrim ilegal dhe për marrje në pronësi të pronës kriminale.
Duke u paraqitur përmes video-lidhjes nga burgu “Belmarsh” në lindje të Londrës, Maurice Robinson, 25 vjeç, nuk kishte mundësi të hynte në marrëveshje me organet e drejtësisë për pranim të fajit lidhur me akuzat e tjera, përfshirë akuzën për 39 vrasje.
Paraqitja e radhës e personit të dyshuar në gjykatë është caktuar për datën 13 dhjetor, ndërsa autoritetet nuk kanë treguar se kur do të merret vendimi për dënimin e tij.
Në këtë kamion ishin gjetur trupat e pajetë të 39 personave
Në mesin e viktimave të gjetura në kamion ishin 31 burra e djem dhe tetë gra. Viktima më e vjetër i kishte 44 vjet, ndërsa më e reja vetëm 18. Kamioni me trupat e viktimave u gjet më 23 tetor në Essex.
Në këtë rast është arrestuar edhe një burrë 23-vjeçar nga Irlanda e Veriut. Ai akuzohet për organizim të transportit të njerëzve me qëllim të shfrytëzimit, shkruan “Reuters”.
